Heiðrún Villa hefur lengi verið í hundabransanum enda hennar mesta ástríða. Ung fann hún mikinn áhuga og var mikið í kringum hunda. Fékk sinn eigin hund 13 ára. Vegna skorts á upplýsingum kunni Heiðrún ekki á hundinn og þrátt fyrir að reyna sitt besta stjórnaði hann heimilinu með leiðinlegum afleiðingum. Eftir það ákvað Heiðrún Villa að sökkva sér í atferli hunda og hefur verið að læra síðan. Hver hundur sem hún hefur hitt hefur kennt henni eitthvað nýtt og Heiðrún Villa hefur öðlast gegnum árin mikla þekkingu og reynslu á uppeldi, þjálfun og heilbrigði hunda og hjálpað fjölmörgun að yfirstíga erfið hegðunarvandamál. Skilningur, þolinmæði og yfirvegun er mikilvægt í þjálfun að hennar mati og vill með mesta móti kenna fólki hvernig það lætur hundinum líða vel og þannig nær árangri í þjálfun. Einnig leggur Heiðrún Villa áheirslu á mikilvægi andlegs jafnvægis og hvað hundar kenna okkur marga yndislega hluti.  Heiðrún Villa hefur kynnt sér flestar þær aðferðir sem notaðar eru í dag í þjálfun og notar innsæi sitt og þekkingu til að finna áhrifaríkar lausnir til árangurs.

 

    

Heiðrún Villa hefur mikla reynslu í margvíslegum aðferðum og er með opin huga og almenna skynsemi varðandi hvað þarf hverju sinni, hver eigandi og hundur er sérstakur. Heiðrún Villa notar aðferðir þar sem atferli hundsins og uppbygging góðs sambands manns og hunds er í fyrirrúmi, til þess að langvarandi árangur náist og góður skilningur eiganda færir hann nær hundinum sínum.

Það eru ekki beint til jákvæðar eða neikvæðar aðferðir, einungis jákvæð eða neikvæð áhrif sem tiltekin aðferð hefur á tilteknum tíma. Öll tól og tækni til þjálfunar eru góð rétt notuð en slæm rangt notuð. Ef þú festir þig í einni aðferð getur þú náð árangri með henni, en á sama tíma getur hún verið takmörkun fyrir þig. Í stað þess að festa sig á tól eða aðferðir felst árangurinn fyrst og fremst í opnum hug og skilningi á því dýri sem maður er með í höndunum hverju sinni, að sjá það eins og það er, ekki eins og þú heldur að það eigi að vera. Með þessum hugsunarhætti eru möguleikarnir til framfara fyrir samband manns og hunds endalausir.

 

         Heiðrún Villa:    

Helstu leiðbeinendur og kennarar: 

      

Árið 2008-2012:

Sharon Bolt : http://www.good-dogs.co.uk/

Martin Deeley: http://martindeeley.com/writer.html

Brian Agnew: http://www.thebalanceddogca.com/

Cheri Lucas: http://cherilucasdogbehavior.com/

Cesar Millan: http://www.cesarsway.com/
 

Árið 2012-2018

Eftir árið 2012 er óhætt að segja að leiðbeinendur, kennarar og vinir Heiðrúnar Villu erlendis frá eru orðnir um 100 talsins, allt framúrskarandi hundaþjálfarar og atferlisfræðingar sem hún hefur samskipti við reglulega. Heiðrún Villa fer á ráðstefnur erlendis annað hvert ár til þess að bæta við þekkinguna. Heiðrún Villa er orðin kennari fyrir IACP og tekur að sér nema í hundaþjálfun á nokkurra ára fresti.  

Auk þess að vera að hafa lært persónulega af þeim frábæru þjálfurum/atferlisfræðingum sem nefndir eru hér af ofan og öðlast skírteini sem viðurkenndur atferlisfræðingur hefur Heiðrún Villa einnig: 

·  Starfaði hjá Dýraspítalanum Lögmannshlíð í 3 ár

·  Starfaði hjá Dýraríkinu í 3 ár, hluta sem verslunarstjóri

·  Tók Hill´s námskeið í dýraheilbrigði

·  Hefur skrifað fjölmargar greinar fyrir fjölmiðla og tímaritið Sám um hundaatferli.

·  Hefur komið fram í sjónvarpi, útvarpi og dagblöðum 

·  Gaf út bókina „Gerðu besta vininn betri“ jólin 2008

·  Tók kúrsa frá ACAS (American College of Applied Science ) – fjarnám í Canine Behavior Counseling

·  Tók netkúrsa frá K9 dog training centre, léttir og skemmtilegir kúrsar en án skírteina til þess að auka þekkingu og sjá fjölbreytileika þjálfunar hunda í dag.

·  Hefur farið á ýmis námskeið hjá öðrum aðilum, bæði grunn- og framhalds

·  Hefur tekið ýmis námskeið í fjárhunda og veiðiþjálfun

·  Hefur reynslu af þjálfun rústa- og snjóflóðaleitarhunda.

·  Hefur starfað sem sjálfboðaliði Dýrahjálpar við að bæta hegðunarvanda þeirra hunda sem eiga erfitt með að finna heimili sökum hans.

·  Hefur átt og þjálfað hunda sl 17 ár með góðum árangri

·  Hefur haldið fyrirlestra og námskeið með góðum árangri á Akureyri, Dalvík, Siglufirði, Hvammstanga og víðar.

·  Hefur farið í heimavitjanir á Akureyri, Dalvík, Ólafsfirði, Húsavík, Siglufirði, Blönduósi, Hvammstanga og Reykjavík. Einnig aðstoðað fólk í Bretlandi.

·  Hefur aðstoðað fjölmarga að vinna úr hegðunarvanda sem á rætur að rekja til rangra uppeldisaðferða.

·  Hefur tekið að sér heimilislausa hunda, þjálfað upp og fundið heimili fyrir þá.

·  Hefur tekið að sér hunda í sérþjálfun með erfið hegðunarvandamál.

·  Var með heimagæslu á heimili sínu þar sem komu hundar allstaðar að og dvöldu á heimili hennar.

·  Hefur aflað sér þekkingar á sviði líkamlegs heilbrigði hunda og næringu.

·  Er sífellt að leita sér meiri þekkingar, hefur lesið yfir 50 bækur um málefnið og er sífellt að bæta við sig reynslu.

- Gaf út DVD diskinn "Auðveld leið til árangurs - hundaþjálfun fyrir alla hundaeigendur" jólin 2010

- Stefnir að opnun athvarfs fyrir heimilislausa hunda í framtíðinni ásamt því að vera með námskeið reglulega og ráðgjöf fyrir alla þá sem þurfa aðstoð með hundinn sinn.

- Fór í hundaatferlis vinnusmiðju á Dog Psychology Center í LA undir handleiðslu 4 þjálfara og atferlisfræfðinga sem eru taldir fremstir á sínu sviði í Bandaríkjunum hvað varðar atferli hunda.

- Gaf út bókina "Leyndarmál Hundaþjálfunar - biblía hundaeigandans"

- Hefur tekið upp fjölda myndbanda til að útskýra betur hvernig má öðlast gott samband við hundinn sinn. Myndböndin eru á Meðlimasvæði Hundaþjálfun.is

-Frá 2013 hefur Heiðrún Villa tekið að sér erfiða hunda heim, gefið góðan grunn að þjálfun og kennt eigendunum að halda áfram með árangurinn.

-Frá 2013 hefur Heiðrún Villa tekið að sér heimilislausa hunda, þjálfað upp og fundið heimili. Heiðrún Villa vinnur reglulega í samstarfi við Dýrahjálp Íslands.

 

 

 

       - Fékk viðurkenningu árið 2013 frá International Association of Canine Professionals IACP sem fagmaður á sínu sviði.

       - Sækir ráðstefnur, vinnusmiðjur og námskeið árlega, síðast ráðstefnu IACP september 2014 og 2016 þar sem yfir 20        reynsluboltar héldu fyrirlestur og kennslu.

       - Er með sjónvarpsþáttinn Hundaráð www.hundarad.is með Steinari Gunnarssyni lögregluhundaþjálfara, sýndur á N4 og á netinu.

       - Mun líklegast aldrei hætta að læra og stefnir á að auka þekkingu sína ár frá ári og veita hundaeigendum frábærar upplýsingar um   þjálfun hunda.